Ranya Rao: కన్నడ సినీ నటి రన్యారావు గోల్డ్ స్మగ్లింగ్ కేసులో ఒక సంవత్సరం జైలు శిక్ష విధించబడింది. కఠినమైన COFEPOSA చట్టం కింద ఆమెకు బెయిల్ నిరాకరించబడింది. ఈ తీర్పు అభిమానులను షాక్‌కు గురిచేసింది.
కన్నడ నటి రన్యారావు బెంగళూరు విమానాశ్రయంలో 14.2 కిలోల బంగారం స్మగ్లింగ్‌తో పట్టుబడిన కేసులో COFEPOSA చట్టం కింద ఒక సంవత్సరం జైలు శిక్ష అనుభవిస్తున్నారు. ఈ చట్టం ప్రకారం ఆమెకు బెయిల్‌కు అవకాశం లేదు. దుబాయ్ నుంచి రూ. 12.56 కోట్ల విలువైన బంగారాన్ని తీసుకొచ్చినట్లు DRI అధికారులు గుర్తించారు.
ఆమె ఇంట్లో జరిపిన సోదాల్లో రూ. 2.67 కోట్ల నగదు, రూ. 2.06 కోట్ల విలువైన బంగారు ఆభరణాలు స్వాధీనం చేసుకున్నారు. రణ్యా 2023-2025 మధ్య 34 సార్లు దుబాయ్‌కు వెళ్లినట్లు తేలింది. ఈ కేసులో ఆమెతో పాటు తరుణ్ రాజు, సాహిల్ జైన్‌లపై కూడా చర్యలు తీసుకున్నారు. హవాలా లావాదేవీలతో రూ. 40 కోట్ల బంగారు స్మగ్లింగ్‌లో రన్యా ప్రమేయం ఉన్నట్లు విచారణలో వెల్లడైంది.
