Ajith Kumar: తమిళనాడు కరూర్ ర్యాలీలో తొక్కిసలాట దుర్ఘటనపై అజిత్ స్పందించాడు. అందరూ ఆత్మపరిశీలన చేసుకోవాలని పిలుపునిచ్చాడు. సినీ తారల చుట్టూ గందరగోళాలు ఎందుకని ప్రశ్నించాడు. మీడియా, అభిమానులు కూడా బాధ్యత వహించాలని సూచించాడు.
కోలీవుడ్ స్టార్ అజిత్ కరూర్ తొక్కిసలాట దుర్ఘటనపై సంచలన వ్యాఖ్యలు చేశాడు. విజయ్ నిర్వహించిన ర్యాలీలో 41 మంది మరణించడం తనను కలచివేసిందని చెప్పాడు. ఈ ఘటనకు విజయ్ ఒక్కడే కాదు, అందరం బాధ్యులమని స్పష్టం చేశాడు. అభిమానులు, మీడియా ఆత్మపరిశీలన చేసుకోవాలని డిమాండ్ చేశాడు. సినిమా తారల చుట్టూ మాత్రమే ఇలాంటి గందరగోళాలు ఎందుకు జరుగుతున్నాయని ప్రశ్నించాడు. క్రికెట్ మ్యాచ్లలో ఇలాంటివి జరగవని ఉదాహరణ ఇచ్చాడు.
థియేటర్లు, సెలబ్రిటీ ఈవెంట్స్లో మాత్రమే ఇలా జరుగుతున్నాయని ఆవేదన వ్యక్తం చేశాడు. ఇది సినీ పరిశ్రమ ఇమేజ్ను దెబ్బతీస్తుందని హెచ్చరించాడు. తమిళనాడు రాజకీయాల్లో విజయ్ ఎంట్రీతో ఈ ఘటన మరింత చర్చకు దారితీసింది. అజిత్ వ్యాఖ్యలు సినీ, రాజకీయ వర్గాల్లో కలకలం రేపాయి. ఇలాంటి దుర్ఘటనలు మళ్లీ జరగకూడదని అన్ని వర్గాలు కోరుకుంటున్నాయి.
