Abhinav Kashyap: దబాంగ్ డైరెక్టర్ అభినవ్ కశ్యప్ సల్మాన్ ఖాన్పై సంచలన వ్యాఖ్యలు చేశారు. దబాంగ్ 2ను తిరస్కరించడంతో తన కెరీర్పై సల్మాన్ కుటుంబం ప్రభావం చూపిందని ఆరోపించారు. సల్మాన్ కు అసలు నటనపై ఆసక్తి లేదని విమర్శించారు. ఈ వివాదం ఏమిటి? పూర్తి వివరాలు చూద్దాం.
దబాంగ్ సినిమా సల్మాన్ ఖాన్కు బ్లాక్బస్టర్ ఇచ్చింది. కానీ, దర్శకుడు అభినవ్ కశ్యప్తో విభేదాలు ఇప్పటికీ చర్చనీయాంశం. 2010లో విడుదలైన దబాంగ్ తర్వాత, అభినవ్ దబాంగ్ 2ను తిరస్కరించారు. దీంతో సల్మాన్ కుటుంబం తన కెరీర్ను దెబ్బతీసిందని ఆయన ఆరోపిస్తున్నారు.
తాజాగా ఓ ఇంటర్వ్యూలో సల్మాన్ నటనపై ఆసక్తి లేని ఒక గూండా అని అభినవ్ అభివర్ణించారు.ప్రస్తుతం ఈ వ్యాఖ్యలు బాలీవుడ్లో కలకలం రేపాయి. అభినవ్ గతంలోనూ సల్మాన్ను బహిరంగంగా విమర్శించారు. దబాంగ్ 15వ వార్షికోత్సవం సందర్భంగా ఈ వివాదం మరోసారి తెరపైకి వచ్చింది. ఈ గొడవ ఎటు వైపు వెళుతుందో చూడాలి.
