బాలీవుడ్ సూపర్‌స్టార్ అమీర్ ఖాన్ నటించిన ‘సితారే జమీన్ పర్’ సినిమా యూట్యూబ్‌లో విడుదలై అలరిస్తోంది. థియేటర్లలో ఘన విజయం తర్వాత, ఇప్పుడు డిజిటల్ ప్లాట్‌ఫామ్‌పై హృదయాలను కదిలిస్తోంది. ఈ సినిమా ప్రేక్షకులను ఉర్రూతలూగిస్తూ సంచలనం సృష్టిస్తోంది.
అమీర్ ఖాన్ నటించిన ‘సితారే జమీన్ పర్’ సినిమా యూట్యూబ్‌లో విడుదలై అందరి దృష్టిని ఆకర్షిస్తోంది. జూన్ 20న థియేటర్లలో రిలీజైన ఈ చిత్రం ప్రపంచవ్యాప్తంగా రూ. 260 కోట్లకు పైగా కలెక్షన్లతో దూసుకెళ్లింది. ఓటీటీని కాదని, యూట్యూబ్‌లో రూ. 100 చెల్లించి వీక్షించే విధానంతో అందుబాటులోకి వచ్చింది.
ఆర్.ఎస్. ప్రసన్న దర్శకత్వంలో తెరకెక్కిన ఈ మూవీలో అమీర్ ఖాన్ బాస్కెట్‌బాల్ కోచ్‌గా, మానసిక సవాళ్లు ఎదుర్కొనే ఆటగాళ్ల ప్రయాణాన్ని చిత్రీకరించారు. జెనీలియా దేశ్‌ముఖ్ ముఖ్య పాత్రలో నటించగా, ఈ సినిమా భారత్‌తోపాటు అమెరికా, కెనడా, యూకే, ఆస్ట్రేలియాలోనూ అందుబాటులో ఉంది. హార్ట్ టచింగ్ కథ, అమీర్ అద్భుతమైన నటనతో ఈ చిత్రం ప్రేక్షకులను కట్టిపడేస్తోంది.
