Ramayana: బాలీవుడ్ నుంచి రాబోతున్న భారీ చిత్రం రామాయణం గురించి మరో ఉత్సాహకర అప్‌డేట్ వచ్చేసింది. రణబీర్ కపూర్, సాయి పల్లవి జంటగా నితీష్ తివారీ రూపొందిస్తున్న ఈ ఎపిక్ డ్రామా ఫస్ట్ లుక్, గ్లింప్స్ విడుదల కానుంది.
బాలీవుడ్ లో మరో సంచలనాత్మక చిత్రం రామాయణం సిద్ధమవుతోంది. రణబీర్ కపూర్ రాముడిగా, సాయి పల్లవి సీతగా నటిస్తున్న ఈ రెండు భాగాల ఎపిక్ డ్రామాను దర్శకుడు నితీష్ తివారీ తెరకెక్కిస్తున్నారు. యష్ రావణ పాత్రలో నటిస్తూ నిర్మాణంలోనూ భాగస్వామ్యం వహిస్తున్నారు. నమిత్ మల్హోత్రా నిర్మాణంలో రూపొందుతున్న ఈ చిత్రం షూటింగ్ శరవేగంగా సాగుతోంది.
జూలై 3న ఉదయం 11:30 గంటలకు గ్రాండ్ ఈవెంట్‌లో ఫస్ట్ లుక్, గ్లింప్స్ విడుదల చేయనున్నారు మేకర్స్. ఈ భారీ ప్రాజెక్ట్ భారతీయ సంస్కృతిని ప్రపంచవ్యాప్తంగా చాటిచెప్పే లక్ష్యంతో రూపొందుతోంది. అత్యాధునిక సాంకేతికతతో తెరకెక్కుతున్న ఈ చిత్రం దృశ్య విస్మయంగా నిలవనుంది. ఈ గ్లింప్స్ సినీ ప్రియుల అంచనాలను ఎలా ఆకట్టుకుంటుందో చూడాలి.
