Nara Rohit: ఐకాన్ స్టార్ అల్లు అర్జున్ ‘పుష్ప’ సినిమాతో బాక్సాఫీస్‌ను షేక్ చేశారు. ఈ చిత్రంలో ఓ కీలక పాత్ర కోసం నారా రోహిత్‌ను సంప్రదించారట. కానీ, ఆ అవకాశం మిస్ అయింది.
సుకుమార్ దర్శకత్వంలో అల్లు అర్జున్ నటించిన ‘పుష్ప’, ‘పుష్ప 2’ చిత్రాలు బాక్సాఫీస్ వద్ద సంచలనం సృష్టించాయి. ఈ మాస్ ఎంటర్‌టైనర్‌లో అల్లు అర్జున్ తన నటనతో ప్రేక్షకులను ఫిదా చేశారు. అయితే, ఈ చిత్రంలో భన్వర్ సింగ్ షెకావత్ పాత్ర కోసం తొలుత నారా రోహిత్‌ను సంప్రదించారని తెలుస్తోంది. కారణాలేమైనా, రోహిత్ ఈ ప్రాజెక్ట్‌ను వదులుకోవడంతో ఆ పాత్ర మలయాళ నటుడు ఫహాద్ ఫాజిల్‌కు దక్కింది. ఫహాద్ తన అద్భుత నటనతో ఆ పాత్రకు ప్రాణం పోశారు.
ఈ విషయాన్ని నారా రోహిత్ తాజాగా ఓ ఇంటర్వ్యూలో వెల్లడించారు. ‘పుష్ప’ వంటి బ్లాక్‌బస్టర్‌లో అవకాశం కోల్పోవడంతో రోహిత్ అభిమానులు నిరాశలో మునిగారు. అయితే, రోహిత్ తాజా చిత్రం ‘భైరవం’లో తన పాత్రతో ప్రేక్షకులను ఆకట్టుకుంటారని నిర్మాతలు ధీమా వ్యక్తం చేస్తున్నారు.
