Ghaati: అనుష్క శెట్టి నటిస్తున్న పాన్ ఇండియా చిత్రం ‘ఘాటీ’ రిలీజ్ మళ్లీ వాయిదా పడింది. క్రిష్ జాగర్లమూడి దర్శకత్వంలో తెరకెక్కిన ఈ యాక్షన్ డ్రామా కోసం అభిమానులు ఆసక్తిగా ఎదురుచూస్తున్నారు. వాయిదా కారణాలు ఏంటి? రిలీజ్ ఎప్పుడు? తెలుసుకుందాం.
అనుష్క శెట్టి హీరోయిన్‌గా, క్రిష్ జాగర్లమూడి దర్శకత్వంలో రూపొందుతున్న ‘ఘాటీ’ సినిమా రిలీజ్ సమస్యలు తప్పడం లేదు. తమిళ నటుడు విక్రమ్ ప్రభు కీలక పాత్రలో నటిస్తున్న ఈ చిత్రాన్ని యువి క్రియేషన్స్, ఫస్ట్ ఫ్రేమ్ ఎంటర్‌టైన్‌మెంట్స్ నిర్మిస్తున్నాయి. బాహుబలిలో దేవసేనగా మెప్పించిన అనుష్క, ఈ సినిమాలో తొలిసారి హై-వోల్టేజ్ యాక్షన్ రోల్‌లో కనిపించనుంది.
మొదట ఏప్రిల్‌లో రిలీజ్ ప్లాన్ చేసినా, ఊహించని కారణాలతో వాయిదా పడింది. జూన్‌లో విడుదలకు అవకాశం లేక, జూలై రెండో వారంలో రిలీజ్‌కు సన్నాహాలు చేస్తున్నారు. కమల్ హాసన్ ‘థగ్ లైఫ్’, పవన్ కళ్యాణ్ ‘హరిహర వీరమల్లు’, ధనుష్ ‘కుబేర’ వంటి భారీ చిత్రాలతో పోటీ ఉండటంతో షెడ్యూల్ సర్దుబాటు కష్టమవుతోంది. అనుష్క అభిమానులు ఈ యాక్షన్ ఎంటర్‌టైనర్ కోసం ఉత్కంఠగా ఎదురుచూస్తున్నారు. మరి, ‘ఘాటీ’ రిలీజ్ ఈసారైనా ఖాయమవుతుందా? వేచి చూడాలి.
