హైదరాబాద్, అక్టోబర్ 26:
లయన్స్ క్లబ్ ఇంటర్నేషనల్ రీజినల్ లయన్స్ లీడర్షిప్ ఇన్స్టిట్యూట్ (RLLI) శిక్షణా కార్యక్రమం హైదరాబాద్ శంషాబాద్లోని హోటల్ నోవోటెల్ ఎయిర్పోర్ట్ వద్ద అక్టోబర్ 24 నుండి 26 వరకు ఘనంగా నిర్వహించబడింది.
ఈ కార్యక్రమంలో లయన్స్ జిల్లా 320Hకు చెందిన ఏడు ప్రతిభావంతులైన నాయకులు — లయన్ మాధవి కె, లయన్ నిఖిల్ గుండా, లయన్ తుషార్ సావ్లాని, లయన్ ఉమాంజలి బొగ, లయన్ ధేగవత్ సాయి రాజ్, లయన్ ఉదయ్ కుమార్ తాళ్ళ, మరియు లయన్ రామచంద్రుడు కె — పాల్గొని శిక్షణను విజయవంతంగా పూర్తి చేశారు.
కార్యక్రమం ముగింపు సందర్భంగా జిల్లా గవర్నర్ లయన్ గంపా నాగేశ్వర్ రావు గారు నాయకుల ఉత్సాహం, క్రమశిక్షణ, మరియు నాయకత్వ నైపుణ్యాలను అభినందిస్తూ ప్రత్యేకంగా సత్కరించారు.
పాల్గొన్న ప్రతీ లయన్ నాయకుడు శిక్షణలో చురుకుగా పాల్గొని, చర్చల్లో విలువైన ఆలోచనలు పంచుకున్నారు. బృందపాటుతో నేర్చుకునే స్ఫూర్తిని ప్రదర్శించి, లయన్ నాయకత్వానికి నిలువెత్తు ఉదాహరణగా నిలిచారు.
కార్యక్రమం చివరిలో, జిల్లా 320H బృందం నాయకత్వంలో ఎదురయ్యే సవాళ్లను సృజనాత్మకంగా ప్రతిబింబిస్తూ ఒక స్కిట్ ప్రదర్శించింది. ఆ స్కిట్లో “సేవా భావంతో ముందుకు సాగడమే నిజమైన నాయకత్వం” అనే బలమైన సందేశం వినిపించింది. ఈ ప్రదర్శనకు పాల్గొన్నవారు మరియు నిర్వాహకులు ప్రశంసల వర్షం కురిపించారు.
ఈ సందర్భంగా లయన్ నాయకులకు ప్రత్యేక గుర్తింపు సర్టిఫికేట్లు అందజేయబడ్డాయి.
తదుపరి, బృందం తరఫున నాయకులు జిల్లా గవర్నర్ మరియు ఆయోజక కమిటీకి ఈ విలువైన అవకాశాన్ని కల్పించినందుకు కృతజ్ఞతలు తెలిపారు.
