Venkatesh: విక్టరీ వెంకటేష్ 2026లో మూడు చిత్రాలతో ప్రేక్షకుల ముందుకు రానున్నారు. సంక్రాంతికి వస్తున్నాం విజయం తర్వాత విరామం తీసుకున్న ఆయన ఇప్పుడు బిజీ షెడ్యూల్లో ఉన్నారు. చిరంజీవి చిత్రంలో క్యామియోతో పాటు రెండు పూర్తి ప్రాజెక్టులు లైనప్లో ఉన్నాయి.
సంక్రాంతికి వస్తున్నాం భారీ విజయం సాధించిన తర్వాత విక్టరీ వెంకటేష్ కొంత విరామం తీసుకున్నారు. ఇప్పుడు మళ్లీ షూటింగ్లతో బిజీగా మారారు. ముందుగా చిరంజీవి నటిస్తున్న మన శంకర వర ప్రసాద్ గారు చిత్రంలో వెంకటేష్ ఎక్స్టెండెడ్ క్యామియోలో కనిపించనున్నారు. దాదాపు 20 నిమిషాల పాత్రతో సినిమాకు మరింత ఆకర్షణ జోడిస్తారు.
ఈ చిత్రం జనవరి 12న ప్రపంచవ్యాప్తంగా విడుదల కానుంది. తర్వాత త్రివిక్రమ్ దర్శకత్వంలో ఆదర్శ కుటుంబం అనే ఫ్యామిలీ ఎంటర్టైనర్ షూటింగ్ ఇటీవల ప్రారంభమైంది. మార్చి నాటికి షూటింగ్ పూర్తి చేసి సమ్మర్లో రిలీజ్ చేయాలనే ప్లాన్ ఉంది. ఇక మరో ప్రాజెక్ట్ దృశ్యం-3 తెలుగు వెర్షన్ కూడా, ఆయన డేట్స్ ఇచ్చిన తర్వాత షూటింగ్ ప్రారంభమవుతుంది. ఈ చిత్రాన్ని కూడా ఈ ఏడాదిలోనే విడుదల చేయనున్నారు.
